yeniazerbaycan.com-un Türkiyənin “Anadolu” agentliyinə istinadən verdiyi xəbərə görə, Ekvadorun Quayaquil şəhərində yerləşən Litoral həbsxanasında qeyri-qanuni dəstələr arasındakı liderlik mübarizəsi səbəbindən qarşıdurmalar baş verib. Həbsxana rəsmilərinin açıqlamasına görə, səhər saatlarında başlayan toqquşmalarda 5 məhbusun başı kəsilib, digərləri isə iti əşyalarla öldürülüb.

İlkin məlumata görə, 24 nəfərin öldüyü və 48 nəfərin yaralandığı hadisələri nəzarət altına almaq üçün çox sayda polis və hərbi qüvvə həbsxanaya göndərilib.

Sakinlərin sosial mediada paylaşdıqları videogörüntülərdə bir çox məhbusun binaların damlarına çıxdığını, həbsxanadan atəş və partlayış səsləri eşidildiyini görmək mümkündür.