Bu gün Misli Premyer Liqasında XXIII tura start veriləcək.

AZƏRTAC xəbər verir ki, günün yeganə qarşılaşmasında "Sumqayıt" və "Zirə" komandaları üz-üzə gələcəklər. Mehdi Hüseynzadə adına Sumqayıt şəhər stadionunda təşkil olunacaq matç saat 19:00-da başlayacaq.

Görüşün baş hakimi Kamal Umudlu olacaq.

39 xalı olan "Zirə" hazırda turnir cədvəlində üçüncü, 22 xala malik "Sumqayıt" isə yeddinci sırada qərarlaşıb.

Qeyd edək ki, turun digər qarşılaşmaları fevralın 16-da və 17-də oynanılacaq.