Müşavir: Rusiya artıq denasifikasiyadan danışmır

Müşavir: Rusiya artıq denasifikasiyadan danışmır

“Rusiya tələblərini tədricən azaldır. Onlar denasifikasiya haqqında danışmağı dayandırdılar. İndi “neytral status” məsələsindən bəhs edirlər. Söhbət Ukraynada müəyyən növ hücum silahlarının yerləşdirilməsinin qarşısının alınmasından gedir”. 
UNİAN xəbər verir ki, bu sözləri Ukrayna Prezidenti Ofisinin rəhbərinin müşaviri Aleksey Aretoviç deyib.
O bildirib ki, tələblərin azaldılması Rusiyanın siyasi məqsədlərə hərbi yolla çatmağın mümkün olmadığını başa düşdüyünü göstərir. Aretoviç dağıdılmış və ya daim atəşə tutulan kənd və şəhərlərdən mülki əhalinin çıxarılması üçün humanitar dəhlizlərin açılması barədə əldə edilən razılıqdan da bəhs edib. Müşavir söyləyib ki, bu saziş beynəlxalq təşkilatlar tərəfindən dəstəklənəcək.