İyunun 14-də Yeni Azərbaycan Partiyasının Sədr müavini-İcra katibi, Milli Məclisin deputatı Əli Əhmədov Cənubi Koreyanın ölkəmizdəki səfiri Ço Suk İni partiyanın mənzil qərargahında qəbul edib.
Görüşdə Cənubi Koreya ilə Azərbaycan Respublikası arasında qarşılıqlı dostluq və əməkdaşlıq münasibətlərinin mövcud durumu və inkişaf perspektivləri barədə geniş fikir mübadiləsi aparılıb, bu ölkənin hakim Saenuri Partiyası ilə Yeni Azərbaycan Partiyası arasındakı əlaqələrin daha da möhkəmləndirilməsinin zəruriliyi qeyd edilib.
Görüşdə YAP-ın Beynəlxalq Əlaqələr şöbəsinin müdiri Asəf Hacıyev iştirak edib.