Yeni Azərbaycan Partiyasının (YAP) 49 saylı Yevlax-Mingəçevir Seçki Dairəsindən deputatlığa namizədi Əli Hüseynlinin Mingəçevir şəhərində yaşayan seçicilərlə görüşü keçirilib. Tədbiri giriş sözü ilə açan deputatlığa namizədin vəkili Akif Hacıyev Əli Hüseynlinin fəaliyyəti haqqında ətraflı məlumat verib.
Sonra deputatlığa namizəd Əli Hüseynli çıxış edərək ölkədə həyata keçirilən quruculuq siyasəti barədə danışıb. Seçicilərə maraqlı olan bir sıra problemlərə toxunan namizəd yenidən millət vəkili seçiləcəyi halda yenə də ona göstərilən etimadı doğruldacağını deyib.
Daha sonra Mingəçevir şəhərinin Tərəvəzçilik qəsəbəsində olan Əli Hüseynli burada da seçicilərlə görüşərək, onları maraqlandıran suallara cavab verib. Görüşlərdə çıxış edən seçicilər isə bu seçkilərdə də YAP-ın namizədi Əli Hüseynliyə yekdilliklə səs verəcəklərini bildiriblər.