COVİD sürətlə yayılır...

Bakı:

22 °C

73 %

7 m/s

Əlaqə

AZ RU EN

Ana səhifə / Xəbər lenti / COVİD sürətlə yayılır...

COVİD sürətlə yayılır...

25.08.2023 [11:20]

Azərbaycan üçün təhlükə var?

Y.SAHİB

Koronavirus EG.5-in (Eris) omikron ştammının yeni variantını dünyada sürətlə yayılır. Bu barədə Ümumdünya Səhiyyə Təşkilatının (ÜST) dərc olunan hesabatında qeyd olunub. Sənəddə bildirilir ki, EG.5 XBB.1.9.2-nin nəslindəndir və XBB.1.5 ilə eyni amin turşusu profilinə malikdir. İlk dəfə 17 fevral 2023-cü ildə qeydə alınıb.

ÜST-nın məlumatı son 30 gündə dünyada COVID-19 hadisələrinin 63% artdığını bildirib. Belə ki, iyulun 17-dən avqustun 13-dək 1,4 milyon yoluxma halı qeydə alınıb. Yaranmış vəziyyətlə əlaqədar artıq bəzi ölkələrdə peyvəndləmə və məcburi maska rejiminə keçid nəzərdə tutulub.

3 ildən artıqdır koronavirusla mübarizə aparan dünya indi də “Eris” virusu ilə bağlı təşviş içindədir. EG.5 variantının indiyədək 51 ölkədə göründüyünü qeyd edən ÜST ölkələrə COV?D tədbirlərini ləğv etməmələri barədə xəbərdarlıq edib. Təşkilat öz bəyanatında ölkələrə yeni simptomlara qarşı ayıq olmağı və yoluxan xəstələri yaxından izləməyi tövsiyə edib.

“Eris” təhlükəli sayılır

“Eris” variantının Azərbaycan üçün təhlükəli olub-olmadığına dair fikirlərini “Yeni Azərbaycan”la bölüşən həkim-infeksionist Vüqar Cavadzadənin sözlərinə görə, virusun alt variantı sürətli yayıldığından və immunitetdən yayındığına görə təhlükəli sayılır. O, qeyd edib ki, “Eris”in geniş yayılmasının səbəbi virusun toxunulmazlıqdan yayınma qabiliyyətini artırması və əvvəlki infeksiyaların verdiyi anticisimlərin təsirini azaltmasıdır: “Bu variant klinik əlamətlər baxımından digər variantlardan ciddi bir fərq yaratmır. “Eris”in simptomları koronavirusla demək olar ki, eynidir. Boğaz ağrısı, burun tıxanıqlığı, qrip, asqırmaq, öskürək, boğuq səs, iybilmə qabiliyyətinin itirilməsi və əzələ ağrıları yeni növ ştammın əsas əlamətləridir.

ÜST-nın təqdim edilən hesabatı 17 iyul -13 avqust aralığını əhatə edir. Əslində, dünyada hal hazırda koronavirusun bir çox alt variantı var. Yoluxma sayının artması da bununla bağlıdır. Baxmayaraq ki, ümumi yoluxanlarıın sayında 63 faiz artım var, amma xəstəxanada yatan xəstələrin sayında artım yoxdur”.

BA:86 variantı...

Həkim qeyd edib ki, pasiyentlərin arasında da ağır olan xəstələr ola bilər. EG.5 (Eris) variant ilə yanaşı başqa daha bir təhlükəli variant da hazırda müşahidə edilməkdədir: “BA:86 variantı da var. Bir çox ölkələrdə bu alt variant müşahidə edilir. Yoluxma hallarının tədqiqatında 36 mutasiya variantı görülüb və hər biri də fərqlidir. Elə buna görə də ciddi nəzarət altında saxlanılır. Amma bu variant nə qədər ağır olacaq, necə olacaq, bizim peyvəndlərin buna immuniteti varmı-bunu artıq zaman göstərəcək”.

İnfeksionist onu da bildirdi ki, bu növün Azərbaycanda olması ilə bağlı rəsmi məlumat yoxdur. Amma qonşu ölkələrdə artıq aşkarlanıbsa, bizdə də olma ehtimalı var.

Paylaş:

Baxılıb: 512 dəfə