Prezident İlham Əliyev ATƏT-in Minsk qrupunun Fransadan olan sabiq həmsədri Bernar Fasyeni qəbul edib
Azərbaycan Respublikasının Prezidenti İlham Əliyev dünən ATƏT-in Minsk qrupunun Fransadan olan sabiq həmsədri Bernar Fasyeni qəbul edib. Dövlətimizin başçısı Bernar Fasyenin fəaliyyətini yüksək qiymətləndirdiyini vurğulayıb, Ermənistan-Azərbaycan, Dağlıq Qarabağ münaqişəsinin nizama salınması ilə bağlı danışıqlar prosesində fəal işinə görə təşəkkürünü bildirib və gələcək fəaliyyətində ona uğurlar arzulayıb. Bernar Fasye onun fəaliyyətinə verdiyi qiymətə görə Azərbaycan Respublikasının Prezidentinə minnətdarlığını bildirib.