İsrailin Baş naziri Binyamin Netanyahu sentyabrın 27-də gizli şəkildə Birləşmiş Ərəb Əmirliklərinin paytaxtı Əbu-Dabiyə səfər edib.

AZƏRTAC xəbər verir ki, bu barədə “Kanal 12” məlumat yayıb.

Məlumata görə, Netanyahu səhər saatlarında şəxsi təyyarə ilə BƏƏ-yə gedib, gün ərzində orada qaldıqdan sonra İsrailə qayıdıb.

Məlumata əsasən, səfərin məqsədi BƏƏ Prezidenti Məhəmməd bin Zayed Əl Nəhyanla təkbətək görüş olub. Görüşün mövzusu açıqlanmayıb. Netanyahunun ofisi xəbərə münasibət bildirməyib.