Səudiyyə Ərəbistanının rəhbərlik etdiyi koalisiya qüvvələri paytaxt Ər-Riyada atılan ballistik raketi məhv edib.

AZƏRTAC xəbər verir ki, bu barədə koalisiyanın sözçüsü Turki əl-Maliki məlumat verib.

Onun sözlərinə görə, raket Yəməndəki “Ənsar Allah” (Husi) hərəkatının silahlıları tərəfindən atılıb.

Səudiyyə Ərəbistanının Mülki Müdafiə Baş İdarəsi hadisə ilə əlaqədar Ər-Riyad sakinlərinə mümkün təhlükə barədə xəbərdarlıq edib. Daha sonra xəbərdarlığın ləğv olunduğu açıqlanıb.