Kubanın paytaxtı Havana şəhərindəki "Saratoqa" otelində ötən gün güclü partlayış nəticəsində ölənlərin sayı artıb.
Bu barədə Kuba Prezidentinin Administrasiyası məlumat yayıb.
Məlumata görə, hadisə zamanı ölənləri sayı 22-yə çatıb. Partlayış nəticəsində 66 nəfər müxtəlif xəsarətlər alıb.
“Saratoga” oteli Köhnə Havanada, Kapitoli ilə üzbəüz yerləşir. O, 1880-ci ildə tikilib və 2005-ci ildə yenidən təmir olunub.
xxx
Kubanın paytaxdı Havana şəhərinin mərkəzində yerləşən oteldə güclü partlayış baş verib.
Trend xarici KİV-ə istinadla xəbər verir ki, hadisə nəticəsində azı 8 nəfər həlak olub, daha 25 nəfər müxtəlif dərəcəli bədən xəsarətləri ilə xəstəxanalara çatdırılıblar.
Yerli televiziyada fəlakət yerindən açıqlama verən Kuba prezidenti Miqel Diaz-Kanel "Saratoga" otelindəki partlayışın böyük ehtimalla qaz sızmasından baş verdiyini söyləyib.
Partlayışın gücündən binanın azı iki mərtəbəsi uçub.