“İlk Avropa Oyunlarında triatlon yarışlarının keçiriləcəyi arena çox möhtəşəmdir”.
AZƏRTAC xəbər verir ki, bu sözləri Avropa Triatlon Birliyinin (ATB) texniki nümayəndəsi Xorxe Qarsiya deyib.
O bildirib ki, “Bakı-2015”-ə hazırlıqla bağlı test yarışı yüksək səviyyədə keçirildi. Əsas yarışlardan əvvəl bütün məsələləri sınaqdan keçirmək imkanımız oldu. ATB olaraq nəticələrdən məmnunuq. Artıq “Bakı-2015” ilk Avropa Oyunları çərçivəsində triatlon yarışlarının keçiriləcəyi günü səbirsizliklə gözləyirik.
“Bakı-2015” ilk Avropa Oyunlarının triatlon yarışları iyunun 13-14-də Bilgəh çimərliyində təşkil olunacaq. Yarışda 65-i kişi və eyni sayda qadın olmaqla, ümumilikdə 130 idmançı mübarizə aparacaq. Qaliblər birinci Avropa Oyunlarının çempionu adını qazanmaqla yanaşı, “Rio-2016” Olimpiya Oyunlarında iştirak hüququ əldə edəcəklər.