Türkiyənin Bişkekdəki səfirliyinin, Türkdilli Dövlətlərin Siyasətinə Dəstək Fondunun və Qırğızıstandakı türk diasporunun nümayəndələri dünən azərbaycanlıların yığcam yaşadıqları Kant şəhərində soydaşlarımızla görüşüblər.
Türkdilli Dövlətlərin Siyasətinə Dəstək Fondunun sədri Nüsrət Məmmədov AzərTAc-a bildirib ki, görüş azərbaycanlıların Kantdakı məscidində keçirilib. Nümayəndələr soydaşlarımızı və bütün müsəlmanları müqəddəs Qurban bayramı münasibətilə təbrik edib, dualar oxunub, bayram sovqatı paylanıb.