Koreyalı alim Şamaxı rəsədxanasında mühazirə deyib

Koreyalı alim Şamaxı rəsədxanasında mühazirə deyib

Azərbaycan Respublikasının Prezidenti yanında Bilik Fondunun “Dünya elmi Azərbaycanda” proqramı çərçivəsində Koreyanın KİAS İnstitutunun direktoru, kvant mexanikası və nəzəri fizika sahələri üzrə mütəxəssis, professor Kim Jayevan ölkəmizdə səfərdədir.
Səfər çərçivəsində koreyalı alim Şamaxı Astrofizika rəsədxanasında “Kvant mexanikası və onun tətbiq sahələri” mövzusunda mühazirə deyib.
Mühazirədə alimlər, Texniki Universitetin və Müəllimlər İnstitutunun Şamaxı filialının tələbələri, yerli ziyalıların nümayəndələri iştirak ediblər. İştirakçılara kvant mexanikası haqqında maraqlı məlumatlar verən, onun tətbiq sahələrinə dair mülahizələrini bölüşən professor tələbələri maraqlandıran sualları cavablandırıb.