Bakı Beynəlxalq Humanitar Forumunun keçirilməsi hər bir elm adamı kimi, mənim üçün də olduqca əhəmiyyətlidir. Çünki bu forumda çox maraqlı və aktual məsələlər müzakirə olunur. Bu sözləri Humanitar Forumda iştirak edən Yunanıstanın Amerika Kollecinin Diplomatiya İnstitutunun direktoru Andreas Andrianopoulos AzərTAc-a müsahibəsində söyləyib.
A.Andrianopoulos bildirib ki, Forum müxtəlif mədəniyyətləri təmsil edən xalqlar arasında dostluq əlaqələrini daha da möhkəmləndirir.
Qonaq vurğulayıb ki, Azərbaycanın belə tədbirlər keçirməsi onu göstərir ki, bu ölkə üçün xalqlar arasında sülh, mədəniyyətlərarası dialoq çox vacibdir. O, tədbirin keçirildiyi Heydər Əliyev Mərkəzinin çox valehedici bir məkan olduğunu qeyd edib.