Akademik Ramiz Mehdiyev: Budəfəki parlamentə seçkilər də demokratik, qanun çərçivəsində olacaq

Akademik Ramiz Mehdiyev: Budəfəki parlamentə seçkilər də demokratik, qanun çərçivəsində olacaq
Azərbaycan Prezidenti Administrasiyasının rəhbəri, akademik Ramiz Mehdiyev ATƏT-in Azərbaycanda keçiriləcək parlament seçkiləri ilə bağlı ikinci aralıq hesabatına münasibət bildirib. APA-nın məlumatına görə, o, hesabatda müəyyən yanlışlıqların olduğunu deyib: “Onları çıxmaq şərti ilə hesab edirəm ki, hesabat müsbətdir”.
Akademik Ramiz Mehdiyev Azərbaycanda parlament seçkilərinin demokratik və qanun çərçivəsində keçiriləcəyini deyib, bunun üçün dövlət tərəfindən bütün lazımi şəraitin yaradıldığını vurğulayıb: “Azərbaycanda ənənəvi demokratik seçkilər keçirilir. Budəfəki parlamentə seçkilər də demokratik, qanun çərçivəsində olacaq. Hesab edirəm ki, bunu vətəndaşlar özləri də müşahidə edəcəklər. Görəcəklər ki, dövlət tərəfindən həqiqətən də parlament seçkilərinin demokratik keçirilməsi üçün hər bir şərait yaradılıb”.