Azərbaycanın hakim partiyası ABŞ dövlət katibi köməkçisinin açıqlamasına münasibət bildirib

Azərbaycanın hakim partiyası ABŞ dövlət katibi köməkçisinin açıqlamasına münasibət bildirib
Əli Əhmədov: Əgər Melia bu sözləri Azərbaycana aid edərək deyirsə, bu ifadəni eyni dərəcədə ABŞ-a da aid etmək olar
Azərbaycanın hakim partiyası ABŞ dövlət katibinin demokratiya, insan haqları və əmək məsələləri üzrə köməkçisi Tomas Melianın açıqlamasına münasibət bildirib. Yeni Azərbaycan Partiyasının (YAP) Sədr müavini-İcra katibi, millət vəkili Əli Əhmədov “Trend”ə açıqlamasında bildirib ki, istənilən sahə ilə əlaqədar “daha çox iş görmək olar” sözünü demək mümkündür. İqtisadiyyat sahəsində, digər sahələrdə, eyni zamanda, ABŞ-ın özündə insan hüquqlarının təmin olunması sahəsində də “daha çox iş görmək olar”.
YAP rəsmisinin sözlərinə görə, əgər Melia bu sözləri Azərbaycana aid edərək deyirsə, bu ifadəni eyni dərəcədə ABŞ-a da aid etmək olar: “Qoy insan hüquqları sahəsində daha çox işləsinlər. Bütövlükdə dünyada insanların sağlamlığının, həyatının qorunması sahəsində çox işləsinlər. Bu sözləri özlərinə də aid etsinlər”.