Əli Həsənov: Hal-hazırda Azərbaycan-İran münasibətləri normal səviyyədədir

Əli Həsənov: Hal-hazırda Azərbaycan-İran münasibətləri normal səviyyədədir
“Hal-hazırda Azərbaycan-İran münasibətləri normal səviyyədədir. Keçmişdə, xüsusilə də “Eurovision” ərəfəsində İranın bəzi dairələrinin apardığı anti-Azərbaycan kampaniyası fonunda kəşkinləşmiş münasibətlər aradan qalxmaqdadır”. APA-nın məlumatına görə, bu açıqlamanı jurnalistlərə Prezident Administrasiyasının İctimai-siyasi məsələlər şöbəsinin müdiri Əli Həsənov verib.
O bildirib ki, bu münasibətlərin normallaşması artıq öz təzahürünü göstərir: “Həm İran, həm Azərbaycan ikitərəfli və çoxtərəfli münasibətləri bundan sonra mehriban qonşuluq, dostluq, qarşılıqlı faydalı əməkdaşlıq prinsipləri üzərində davam etdirməyə hazır olduqlarını bəyan ediblər”.