“Qonağın yanından durub getmək Azərbaycan ənənələrinə uyğun gəlməyən, Azərbaycan mentalitetinə zidd addımdır”. APA-nın xəbərinə görə, bunu jurnalistlərə açıqlamasında Prezident Administrasiyası (PA) ictimai-siyasi şöbəsinin müdiri Əli Həsənov bildirib. Müxalifət partiyaları təmsilçilərinin Avropa Şurası Parlament Assambleyasının (AŞ PA) prezidenti Mövlud çavuşoğlu ilə görüşdən imtinasına münasibət bildirən şöbə müdiri bunları deyib: “Hər bir partiya özü haqqında istənilən fikirdə ola bilər. Bəziləri özünü hətta Roma Papasından daha çox katolik də saya bilər. Amma cəmiyyət onlar haqqında nə düşünür, buna diqqət yetirsinlər”.