Laura Robinson: Azərbaycanın dünya mədəni irsinin qorunmasına töhfəsi böyükdür

Laura Robinson: Azərbaycanın dünya mədəni irsinin qorunmasına töhfəsi böyükdür

Qədim tarixə və zəngin mədəniyyətə malik Azərbaycanın dünya mədəni irsinin qorunmasına töhfəsi böyükdür. UNESKO-nun Ümumdünya İrs Komitəsinin sessiyası kimi mötəbər bir tədbirə ev sahibliyi etməsi də Azərbaycan dövlətinin tarixi və mədəniyyət abidələrinin qorunmasına xüsusi diqqətinin göstəricisidir.
Bu fikirləri AZƏRTAC-a müsahibəsində Tarixi Yerlər və Abidələrin Mühafizəsi Şurasının (ICOMOS) nümayəndəsi, Bakıda keçirilən 43-cü sessiyanın iştirakçısı Laura Robinson söyləyib.
Laura Robinson bildirib ki, Bakı sessiyası yüksək səviyyədə təşkil olunub: “Hər şey mənim gözlədiyimdən də yaxşıdır. Azərbaycanın bu cür tədbirlərə ev sahibliyi etmək üçün böyük təcrübəsi var. Bunu 43-cü sessiyanın açılış mərasimində də aydın görmək olurdu”.