7 yaşlı Mədinə Daşdəmirova daha bir şahmat yarışında böyük uğura imza ataraq I yerin qalibi olub. Belə ki, Azərbaycan Respublikası Gənclər və İdman Nazirliyinin təşkil etdiyi 9 noyabr-Dövlət Bayrağı Gününə həsr olunmuş təsnifat turnirində qızlar arasında keçirilən şahmat yarışında Mədinə Daşdəmirova bütün rəqiblərini geridə qoyaraq qələbə qazanıb və birinci yerin sahibi olub.
Ən kiçik yaşlı iştirakçı olmasına baxmayaraq, Mədinə Daşdəmirova yarışda nümayiş etdirdiyi yüksək mübarizə əzmi ilə fərqlənərək iştirakçılar və yarış kollektivi arasında böyük rəğbət qazanıb. O, keçirilən oyunlarda öz istedadını böyük ustalıqla nümayiş etdirərək I yeri əldə etdiyinə görə Azərbaycan Respublikası Gənclər və İdman Nazirliyi tərəfindən diplom və qızıl medalla təltif olunub.
NARDAR