Azərbaycana gətirilməsi üçün dövlət sərhədi yaxınlığında gizlədilmiş külli miqdarda qaçaqmal aşkarlanıb

Azərbaycana gətirilməsi üçün dövlət sərhədi yaxınlığında gizlədilmiş külli miqdarda qaçaqmal aşkarlanıb

Dövlət Sərhəd Xidmətinin (DSX) əməkdaşları qaçaqmalçılığın qarşısının alınması istiqamətində fəaliyyətlərini uğurla davam etdirirlər.
DSX-nin mətbuat mərkəzindən AZƏRTAC-a bildiriblər ki, sərhədçilərin sayıqlığı sayəsində külli miqdarda qaçaqmalın dövlət sərhədindən keçirilməsinin qarşısı alınıb.
Dekabrın 5-də Qusar rayonunun Samur qəsəbəsi ərazisində yerləşən sərhəd zastavasının xidməti sahəsində əldə olunmuş əməliyyat məlumatı əsasında həyata keçirilən axtarış tədbirləri nəticəsində Azərbaycan Respublikasına gətirilməsi üçün dövlət sərhədi yaxınlığında kolluq ərazidə gizlədilmiş 4 bağlamada 2050 qutu “Marlboro”, 740 qutu “Richmond”, 2010 qutu “Parliament” və 200 qutu “Kent” markalı siqaretlər aşkar edilərək götürülüb.
Faktla bağlı əməliyyat-istintaq tədbirləri davam etdirilir.