Bakı dünyanın ən gözəl şəhərlərindən biridir

Bakı dünyanın ən gözəl şəhərlərindən biridir

“Bakı inanılmaz dərəcədə gözəl şəhərdir. O, qədimliklə müasirliyi özündə təcəssüm etdirir”.
Bu sözləri Bakıda “Sənaye tətbiqli idarəetmə və optimallaşdırma” mövzusunda keçirilən beynəlxalq konfransda iştirak edən Qazaxıstan Dövlət Texniki Universitetinin nümayəndəsi Dossan Baigereyev AZƏRTAC-a müsahibəsində bildirib.
Qazaxıstanlı qonaq deyib: “Bakının memarlığı ecazkardır. Milli mətbəxiniz həddən artıq ləzizdir. Bakını digər şəhərlərlə müqayisə etsəm, deyərdim ki, Bakı çox təhlükəsiz şəhərdir. Burada günün istənilən saatında rahat gəzə bilirik və heç bir problemlə üzləşmirik. Bir sözlə, Bakı dünyanın ən gözəl şəhərlərindən biridir”.