Avqustun 12-də - Beynəlxalq Gənclər Günündə Gəncə şəhər Gənclər və İdman Baş İdarəsinin dəstəyi, “Odlar Yurdu” və “Gəncə-2016 Avropa Gənclər Paytaxtı” Gənclər İctimai birliklərinin və “Coca-Cola” şirkətinin təşkilatçılığı ilə “KönüllüSƏN” adlı layihənin təqdimatı olub.
AZƏRTAC xəbər verir ki, layihə çərçivəsində gənclərə könüllülük prinsipləri aşılanacaq, eləcə də 50 nəfər gəncə bir həftə ərzində peşəkar təlimçilər tərəfindən seminarlar keçiriləcək. Bundan başqa, gənclər könüllülərlə görüşəcək, onların könüllülük təcrübəsini öyrənəcəklər. Layihədə fəal iştirak edən gənclərlə könüllülük müqaviləsi imzalanacaq və onlar “Gəncə-2016” tədbirlərində könüllü olmaq imkanı əldə edəcəklər.