Mayın 14-də M.V.Lomonosov adına Moskva Dövlət Universitetinin (MDU) Bakı filialında abituriyentlər üçün “Açıq qapı” günü keçiriləcək. Məqsəd abituriyentləri 2016-2017-ci tədris ilində bu ali məktəbə qəbulun şərtləri və qaydaları ilə tanış etməkdir.
Tədbirdə MDU-nun Bakı filialının filologiya, tətbiqi riyaziyyat, kimya, psixologiya, iqtisadiyyat və fizika fakültələrində bakalavrların hazırlanması ilə bağlı ətraflı məlumat veriləcək. Qeyd edək ki, bu ildən filialda fizika fakültəsi fəaliyyətə başlayacaq.
“Açıq qapı” günü saat 14:00-da aşağıdakı ünvanda keçiriləcək:
Bakı şəhəri, H.Cavid prospekti, 133 (metronun “Elmlər Akademiyası” stansiyasının yaxınlığında).
Əlaqə telefonları: (012) 510-96-08, (012) 598-93-32.