Bakı Beynəlxalq Multikulturalizm Mərkəzi Şirvan rayonunda “Azərbaycan multikulturalizmi” mövzusunda mühazirə keçirib.
Mərkəzdən AZƏRTAC-a verilən məlumata görə, ziyalıların və gənclərin iştirak etdikləri tədbirdə ölkəmizdə multikulturalizmin çağdaş tarixi-siyasi reallıqlarından danışılıb. Bildirilib ki, multikulturalizm müasir cəmiyyətlərin ideya-siyasi, sosial-mədəni və digər aspektlərdə tərəqqisini təmin edən aktual sahədir. Multikulturalizmi başlıca siyasi prioritetlərindən birinə çevirən Azərbaycan dünya siyasətinə xeyli əhəmiyyətli təşəbbüslər irəli sürüb.
Mühazirədə Bakı Beynəlxalq Multikulturalizm Mərkəzinin həyata keçirdiyi layihələr barədə geniş məlumat verilib.