Ermənistanın baş naziri Paşinyan Azərbaycanla sərhədlərin delimitasiyası üzrə komissiyanın yaradılması haqqında fərman imzalayıb.
AZƏRTAC TASS-a istinadla xəbər verir ki, bu barədə Ermənistan Nazirlər Kabineti məlumat yayıb.
Məlumata görə, Ermənistan-Azərbaycan sərhədlərinin delimitasiyası və təhlükəsizliyi üzrə komissiyaya Baş nazirin müavini Mqer Qriqoryan rəhbərlik edəcək. Komissiyanın tərkibində nazirliklərin və digər strukturların nümayəndələri də yer alacaq.