Yeni Azərbaycan Partiyası (YAP) Nərimanov rayon təşkilatının “C.Hacıbəyli küçəsi 32” və “A.Gəraybəyli küçəsi 2” ünvanları üzrə Ərazi Partiya Təşkilatlarında Prezident, Partiyanın sədri cənab İlham Əliyevin VIII Qurultaydakı çıxışından irəli gələn prioritetlərə həsr olunmuş növbəti görüş keçirilib.

Görüşlər zamanı Azərbaycanın suverenliyinin və müstəqilliyinin qorunması, ölkəmizin beynəlxalq nüfuzunun möhkəmləndirilməsi, sosial-iqtisadi inkişafın davamlılığının təmin edilməsi və milli həmrəyliyin gücləndirilməsi məsələləri ön plana çəkilib. Eyni zamanda, dövlətimizin əldə etdiyi nailiyyətlərin təbliği, cəmiyyətdə düzgün ictimai rəyin formalaşdırılması və informasiya təxribatlarına qarşı çevik mövqe nümayiş etdirilməsinin vacibliyi vurğulanıb.

Qeyd olunub ki, partiya üzvləri Prezident İlham Əliyevin müəyyənləşdirdiyi strateji xəttin mahiyyətini cəmiyyətə çatdırmalı, ictimai təşəbbüslərdə fəal iştirak etməli və qarşıya qoyulan vəzifələrin yerinə yetirilməsinə öz töhfələrini verməlidirlər.