Dünən Yeni Azərbaycan Partiyası (YAP) Gənclər Birliyinin bir qrup üzvü Sankt Peterburq şəhərində metroda törədilmiş terror aktı ilə əlaqədar Rusiyanın ölkəmizdəki səfirliyində olub. Gənclər terror aktı qurbanlarının xatirəsi üçün ayrılmış xüsusi guşəyə gül dəstələri qoyublar.
Daha sonra bu hadisəyə münasibət bildirən YAP Gənclər Birliyinin sədri, partiyanın Siyasi Şurasının üzvü Seymur Orucov qeyd edib ki, milliyyətindən, dinindən, irqindən, cinsindən asılı olmayaraq terror törədən şəxs hər kəs tərəfindən qınanmalıdır: “Terror bütün bəşəriyyətin faciəsidir. Harada, hansı formada törədilməyindən asılı olmayaraq terrora qarşı amansız mövqe tutulmalıdır. Biz, Yeni Azərbaycan Partiyası Gənclər Birliyi olaraq Rusiyada törədilən bu terror aktını şiddətlə qınayır, terror qurbanlarının ailə üzvlərinə, bütövlükdə Rusiya xalqına dərin hüznlə başsağlığı verir, kədərinizi bölüşürük”.