Polşa hökuməti ölkə ərazisində “Patriot” zenit-raket sistemlərinin istehsalı üçün zavod tikməyi təklif edib.

AZƏRTAC xəbər verir ki, Polşanın müdafiə nazirinin müavini Maqdalena Sobkovyak-Çarneçka bu barədə RMF FM radiosuna açıqlamasında bildirib.

Onun sözlərinə görə, əgər belə bir zavodun Ukraynada tikilməsi planlaşdırılırsa, onun Polşada, “təhlükəsiz ərazidə” yerləşdirilməsi məqsədəuyğundur.

Nazir müavini zavodun Polşada yerləşdirilməsinin ABŞ hökumətinin Ukrayna ilə bağlı qərarından asılı olmadığını qeyd edib.