“Azərbaycan Hava Yolları” Qapalı Səhmdar Cəmiyyəti (AZAL) Bakı-Gəncə-Bakı aviareysi üzrə uçuşları hər gün həyata keçirəcək.
Bu barədə AZƏRTAC-a AZAL-ın mətbuat xidmətinin rəhbəri Paşa Kəsəmənski məlumat verib.
Bir müddət əvvəl “Azərbaycan Hava Yolları” QSC bu reysi qeyri-rentabelli olması və sərnişinlərin az istifadə etməsi səbəbindən dayandırmağı nəzərdə tuturdu.
Mətbuat xidmətinin rəhbəri bildirib: “AZAL sosial aspektləri və sərnişinlərin çoxsaylı xahişlərini nəzərə alaraq bu aviareysi saxlamaq qərarına gəlib. Uçuşlar əvvəllər olduğu kimi “Embraer-170” tipli təyyarə ilə həyata keçiriləcək”.