“Azərbaycan və Ermənistan prezidentlərinin Həştərxanda keçirilmiş son görüşünü müsbət qəbul etmək lazımdır”. APA-nın məlumatına görə, bunu Azərbaycan Prezidenti Administrasiyasının (PA) rəhbəri Ramiz Mehdiyev bildirib. “Dövlət başçıları Rusiya prezidentinin təklifi ilə görüşüblər. Bu gələcək işlər üçün mühüm addımdır”, - deyə akademik Ramiz Mehdiyev əlavə edib. Astanada keçiriləcək ATƏT sammiti çərçivəsində prezidentlərin nəzərdə tutulan görüşündə hər hansı nəticə gözlənilib-gözlənilmədiyinə gəlincə, akademik Ramiz Mehdiyev bununla bağlı əvvəldən proqnoz verməyin çətin olduğunu bildirib. PA rəhbəri Azərbaycan və Ermənistan arasında əsir və meyitlərin dəyişdirilməsi barədə əldə olunmuş razılaşmaya da toxunub: “Bununla bağlı dövlət başçıları tərəfindən sənəd imzalanıb. Azərbaycan tərəfdə bu məsələnin həlli üçün lazımi addımlar atılır. Hələ danışıqlar gedir, hazırlıqlar aparılır. Görünür ki, bu məsələdə qarşı tərəfin də fikrini bilməliyik”.