YAP-ın İcra katibi Konrad Adenauer Fondunun Amerika - Avropa şöbəsinin rəhbəri Yens Paulusu qəbul edib

YAP-ın İcra katibi Konrad Adenauer Fondunun Amerika - Avropa şöbəsinin rəhbəri Yens Paulusu qəbul edib
Yeni Azərbaycan Partiyasının (YAP) Sədr müavini - İcra katibi Əli Əhmədov dünən Konrad Adenauer Fondunun Amerika - Avropa şöbəsinin rəhbəri Yens Paulusu qəbul edib. Görüşdə Yeni Azərbaycan Partiyası ilə Konrad Adenauer Fondu arasında mövcud əməkdaşlığın daha da inkişaf etdirilməsi, sözügedən fond tərəfindən həyata keçirilən layihələrdə YAP nümayəndə heyətinin iştirakı, həmçinin, YAP - ın beynəlxalq əlaqələrinin, xüsusilə də Avropa Xalq Partiyası, eləcə də Almaniyanın hakim Xristian Demokratlar İttifaqı ilə münasibətlərin gücləndirilməsi haqqında geniş fikir mübadiləsi aparılıb. Görüşdə, həmçinin, Yeni Azərbaycan Partiyası ilə Almaniyanın hakim Xristian Demokratlar İttifaqı gənclərinin arasında təcrübə mübadiləsi haqqında da söhbət açılıb. YAP İcra katinin müavini Mübariz Qurbanlı və Konrad Adenauer Fondunun Cənubi Qafqazda Siyasi Dialoq üzrə Regional Proqramının rəhbəri Katje Plate da görüşdə iştirak ediblər.