Yeni Azərbaycan Partiyasının (YAP) 44 saylı Sumqayıt-Xızı seçki dairəsindən deputatlığa namizədi Müşviq Məmmədovun seçicilərlə görüşləri davam edir. Növbəti görüşlər Xızı rayonunun Şurabad kəndində və Sumqayıt şəhərinin Birləşmiş məhəlləsində keçirilib.
Görüşdə çıxış edən namizədin vəkilləri qarşıdan gələn parlament seçkiləri haqqında geniş məlumat veriblər. Bildirilib ki, xalqımız ölkəmizdə aparılan dərinməzmunlu islahatları dəstəkləyir.
Çıxış edən deputatlığa namizəd M.Məmmədov Azərbaycan Respublikasının Prezidenti İlham Əliyevin rəhbərliyi ilə ölkədə bütün sahələrdə aparılan köklü islahatlar və görülmüş işlərin əhəmiyyəti haqqında seçicilərə məlumat verib. M.Məmmədov seçicilərin ona etimad göstərəcəyi təqdirdə bu etimadı doğruldacağına söz verib və görüşə gələn hər bir seçiciyə minnətdarlığını bildirib.
Sonda vətəndaşlar tərəfindən səsləndirilən təklif və müraciətlər dinlənilib.