Bağlanmış əmək müqavilələrinin sayında 7,3 faiz artım olub

Bağlanmış əmək müqavilələrinin sayında 7,3 faiz artım olub

Bu ilin iyun ayının sonunda ilin əvvəli ilə müqayisədə bağlanmış əmək müqavilələrinin sayı 7,3 faiz və ya 101,66 min nəfər, o cümlədən qeyri-dövlət sektorunda 14 faiz və ya 77 min nəfər artıb.

Vergilər Nazirliyinin Media və kommunikasiya mərkəzindən AZƏRTAC-a bildirilib ki, bağlanmış əmək müqavilələrinin ümumi sayı üzrə artımın 75,7 faizi qeyri-dövlət sektorunun payına düşüb.

Təkcə iyun ayında qeyri-dövlət bölməsində əmək müqavilələrinin sayında 11 minədək artım qeydə alınıb. Cari ilin 6 ayı ərzində qeyri-dövlət sektorunda əmək müqavilələrinin say artımının 26,3 faizi ticarət, 18,9 faizi xidmət, 18,7 faizi sənaye sektorunun payına düşüb. Həmçinin cəmi əməkhaqqı fondunda da artım göstəriciləri müşahidə olunur.