Almaniyada səfərdə olan Yeni Azərbaycan Partiyası (YAP) İcra katibinin müavini, millət vəkili Siyavuş Novruzov, millət vəkilləri Rauf Əliyev və Xanlar Fətiyev Berlində “Azəri” idman klubunun rəhbəri və klubun 11-15 yaşlı futbolçuları ilə görüşüblər. SİA-nın xəbərinə görə, görüşdə bu klubun fəaliyyəti və Azərbaycanda futbolun inkişafı ilə bağlı görülən işlər haqqında müzakirələr aparılıb, hazırda Berlində fəaliyyət göstərən 11-15 yaşlı idmançılardan ibarət yığmamızın gələcəkdə Azərbaycan futboluna böyük töfhə verəcəyinə inam qeyd olunub.
Millət vəklili Rauf Əliyev klubun prezidenti Tofiq Ağayev və futbolçularla bu barədə müzakirələr apardıqlarını bildirib. Onun sözlərinə görə, klub gələcəkdə Azərbaycan üçün peşəkar futbolçular yetişdirəcək.