Mübariz Qurbanlı: YAP namizədlərinin siyahısını seçki prosesinə rəsmi start veriləndən sonra açıqlayacaq

Mübariz Qurbanlı: YAP namizədlərinin siyahısını seçki prosesinə rəsmi start veriləndən sonra açıqlayacaq
“Yeni Azərbaycan Partiyası parlament seçkilərinə qatılacaq namizədlərinin müəyyənləşdirilməsi istiqamətində işləyir. Namizədlərimizi seçki prosesinə rəsmi start veriləndən sonra açıqlayacağıq”. Bu sözləri APA-ya açıqlamasında Yeni Azərbaycan Partiyasının (YAP) İcra katibinin müavini, millət vəkili Mübariz Qurbanlı deyib. Hakim partiya funksionerinin sözlərinə görə, namizədlərin adlarının əvvəlcədən açıqlanıb-açıqlanmaması o qədər də önəmli deyil. M.Qurbanlı YAP-da parlament seçkiləri ilə bağlı hazırlıq işlərinin davam etdirildiyini bildirib. İcra katibinin müavini deyib ki, seçkiyə hazırlıqla bağlı lazımi işlər həyata keçirilir: “Bizim seçkiyə hazırlıq proqramımız var. Hər bir iş proqrama uyğun görülür” .
M.Qurbanlı artıq bir çox siyasi təşkilatların seçkiyə qatılacaq namizədlərinin adlarını açıqlamasına da münasibət bildirib: “Hər bir siyasi təşkilatın namizədlərini elan etməsi məsələsində öz taktikası var”.