"Azərbaycan Sənaye Sığorta" ASC və "Dünya Göz Azərbaycan"ın birgə təşkilatçılığı ilə "Dünyanı aydın və gözəl görək!" şüarı altında aksiya keçirilib. 15 sentyabr - Bilik Günü ərəfəsində 4 nömrəli Respublika Xüsusi İnternat məktəbində keçirilən aksiyanın məqsədi sağlamlıq imkanları məhdud və valideyn himayəsindən məhrum olan uşaqlarda göz xəstəliklərinin profilaktikasının aparılması, onların hərtərəfli müayinəsinin təşkilini təmin etmək olub.
Aksiyada sağlamlıq imkanları məhdud olan uşaqlar "Dünya Göz Azərbaycan"ın həkimləri tərəfindən pulsuz müayinə olunub. Uşaqlarda görmə qabiliyyəti, göz şişkinliyi, sulanması, çəpgözlük, katoraktal virus infeksiyaları və s. yoxlamalardan keçirilib.
Sonda uşaqlarla xatirə şəkli çəkdirilib.