2025-ci ilin yekunları: tarixi nailiyyətlər və yeni reallıqlar

Bakı:

0 °C

86 %

4 m/s

Əlaqə

AZ RU EN

Ana səhifə / Arxiv / 2025-ci ilin yekunları: tarixi nailiyyətlər və yeni reallıqlar

2025-ci ilin yekunları: tarixi nailiyyətlər və yeni reallıqlar

07.01.2026 [11:11]

Eldar Əsədov

YAP Tərtər rayon təşkilatının sədri

2026-cı ilin 5 yanvar tarixində Azərbaycan Respublikasının Prezidenti İlham Əliyev cənabları yerli televiziya kanallarına verdiyi müsahibə ölkənin ictimai-siyasi həyatında mühüm hadisə kimi yadda qaldı. Dövlət başçısı bu müsahibədə ötən ilin yekunlarını, Azərbaycanın əldə etdiyi tarixi nailiyyətləri, mövcud regional reallıqları və qarşıdakı dövr üçün müəyyənləşdirilən əsas prioritetləri ətraflı şəkildə şərh etdi.

Möhtərəm Prezidentinizin çıxışı yalnız hesabat xarakteri daşımadı, eyni zamanda Azərbaycanın gələcək inkişaf yolunu, milli maraqlara əsaslanan müstəqil siyasət kursunu və dövlətçilik fəlsəfəsini aydın şəkildə ortaya qoydu.
Müsahibədə Prezidentimiz 2025-ci ili Azərbaycan üçün xüsusi əhəmiyyət daşıyan, tarixi nəticələrlə yadda qalan bir il kimi dəyərləndirdi. Dövlət başçısı qeyd etdi ki, ölkəmiz ötən il ərzində həm siyasi, həm iqtisadi, həm də diplomatik müstəvidə mühüm uğurlar əldə edib.
Xüsusilə regionda formalaşmış yeni siyasi reallıqların artıq dəyişməz xarakter daşıdığı vurğulandı. Cənab İlham Əliyev bildirdi ki, Azərbaycanın ərazi bütövlüyü və suverenliyi tam təmin edilib və bu reallıq beynəlxalq səviyyədə qəbul olunur. Bu, uzun illər aparılan prinsipial, ardıcıl və milli maraqlara əsaslanan siyasətin məntiqi nəticəsidir.

İlham Əliyev cənabları müsahibəsində regionda sülhün və təhlükəsizliyin təmin olunmasının Azərbaycanın əsas strateji məqsədlərindən biri olduğunu xüsusi qeyd etdi. Dövlət başçısı vurğuladı ki, Azərbaycan Cənubi Qafqazda uzunmüddətli sülhün, əməkdaşlığın və qarşılıqlı hörmətə əsaslanan münasibətlərin formalaşmasında maraqlıdır.

Prezidentimiz qeyd etdi ki, rəsmi Bakı heç vaxt revanşist yanaşmaları qəbul etmir və regionda yeni qarşıdurmaların yaranmasına yol verilməməsi üçün məsuliyyətli mövqe nümayiş etdirir. Azərbaycanın sülh təşəbbüsləri beynəlxalq hüquqa, ədalət prinsiplərinə və real siyasi vəziyyətə əsaslanır.

Müsahibənin mühüm hissəsi daxili siyasət və dövlət idarəçiliyində aparılan islahatlara həsr olundu. Prezident İlham Əliyev vurğuladı ki, dövlət idarəetməsində əsas məqsəd vətəndaş məmnunluğunun təmin olunması, şəffaflığın artırılması və məsuliyyətin gücləndirilməsidir.

Dövlət başçısı qeyd etdi ki, kadr siyasətində peşəkarlıq, vətənpərvərlik və xalqa xidmət prinsipləri əsas götürülür. Möhtərəm Prezidentimiz açıq şəkildə bildirdi ki, vəzifəsindən asılı olmayaraq hər bir məmur öz fəaliyyətinə görə cavabdehdir və etimadı doğrultmayan şəxslərlə bağlı qəti qərarlar qəbul edilir.

Cənab İlham Əliyev müsahibədə azad edilmiş ərazilərdə aparılan bərpa və quruculuq işlərinə xüsusi diqqət ayırdı. Dövlət başçısı bildirdi ki, bu ərazilərin qısa müddətdə yenidən qurulması Azərbaycanın iqtisadi gücünün, siyasi iradəsinin və təşkilati imkanlarının göstəricisidir.
Yeni yolların, dəmir yollarının, hava limanlarının, yaşayış komplekslərinin və sosial obyektlərin inşası regionların iqtisadi dövriyyəyə cəlb olunmasına, əhalinin mərhələli şəkildə öz doğma yurdlarına qayıtmasına imkan yaradır. Prezident vurğuladı ki, “Böyük Qayıdış” proqramı planlı və ardıcıl şəkildə icra olunur.

Müsahibədə Azərbaycanın xarici siyasət kursu da geniş şəkildə təhlil olundu. Prezident İlham Əliyev qeyd etdi ki, Azərbaycan müstəqil, balanslaşdırılmış və milli maraqlara əsaslanan xarici siyasət yürüdür. Dövlət başçısı Azərbaycanın beynəlxalq arenada etibarlı tərəfdaş kimi tanındığını, enerji təhlükəsizliyi, nəqliyyat-logistika layihələri və regional əməkdaşlıq sahəsində mühüm rol oynadığını vurğuladı.Prezident İlham Əliyev müsahibəsində sosial siyasətin dövlətin əsas fəaliyyət istiqamətlərindən biri olduğunu xüsusi qeyd etdi.Əməkhaqlarının və pensiyaların artırılması, sosial müdafiə tədbirlərinin genişləndirilməsi, yeni iş yerlərinin yaradılması və sosial infrastrukturun gücləndirilməsi dövlət siyasətinin prioritet istiqamətləridir. Prezident vurğuladı ki, Azərbaycan sosial ədalət prinsipinə sadiqdir və bu kurs gələcək illərdə də davam etdiriləcək.

Möhtərəm Prezidentimizin müsahibədə söylədikləri bir daha göstərdi ki, Azərbaycan sabitlik, inkişaf və milli maraqlara əsaslanan müstəqil yolunu qətiyyətlə davam etdirir.

Paylaş:

Baxılıb: 252 dəfə