Ziyafət Əsgərov: Azərbaycan xalqı, dövləti öz yolu ilə - müstəqil inkişaf yoluyla gedir və bu yolda da heç kim bizə mane ola bilməz

Bakı:

17 °C

88 %

4 m/s

AZ RU EN

Ana səhifə / Siyasət / Ziyafət Əsgərov: Azərbaycan xalqı, dövləti öz yolu ilə - müstəqil inkişaf yoluyla gedir və bu yolda da heç kim bizə mane ola bilməz

Ziyafət Əsgərov: Azərbaycan xalqı, dövləti öz yolu ilə - müstəqil inkişaf yoluyla gedir və bu yolda da heç kim bizə mane ola bilməz

13.05.2015 [10:14]

“Çox təəssüflər olsun ki, ilk Avropa Oyunları ərəfəsində bəzi beynəlxalq təşkilatlar və Azərbaycanda olan bəzi qeyri-hökumət təşkilatları qarayaxma kampaniyasına qoşulublar. Biz hələ bir neçə il bundan əvvəl Azərbaycanda “Eurovision” mahnı müsabiqəsi keçirilərkən bu qarayaxma kampaniyasının şahidi olmuşuq. Təəssüf edirəm ki, bu qarayaxma kampaniyasına qoşulanlar Azərbaycanı gözdən salmaq istəyirlər. Biz bu Oyunları, bu məsuliyyəti öz üzərimizə götürmüşüksə, əslində, buna görə bizə sağ ol deməlidirlər”. Bu fikirləri Milli Məclis sədrinin birinci müavini Ziyafət Əsgərov deyib.
Z.Əsgərov bildirib ki, Azərbaycana qarşı kampaniyalar heç vaxt öz məqsədinə çatmayacaq.
“Azərbaycan öz iqtisadi inkişafı, siyasi nüfuzu ilə dünyada özünəməxsus olan yeri tutub və inanırıq ki, bu Oyunlar yüksək səviyyədə keçiriləcək. Əslində, bizim bu Oyunları yüksək səviyyədə təşkil etməyimiz və onu həyata keçirməyimiz elə onlara - anti-Azərbaycan kampaniyasını başlayanlara tutarlı, layiqli cavab olacaq. Bu Oyunların Azərbaycana verəcəyi ən mühüm töhfələrdən biri Azərbaycan xalqının öz dövlətinə inamının daha da möhkəmləndirilməsidir, Azərbaycan xalqının özünə güvənməsidir. Bir vaxtlar, ötən əsrin 90-cı illərinin əvvəllərində Azərbaycanda hansı vəziyyət var idi?
Ulu öndərimiz anti-Azərbaycan qüvvələrinə bir daha sübut etdi ki, Azərbaycan xalqı bu xaosdan çıxa bilər. Azərbaycan xalqı müstəqil, güclü dövlət qura bilər. Azərbaycan xalqı öz Konstitusiyasını qəbul edə bilər və fəxrlə deyə bilərəm ki, Ulu öndərin kursu bu gün də uğurla davam edir. Və o kursun əhəmiyyəti də ondan ibarətdir ki, Azərbaycan xalqı Ulu öndərimizin yolunu, kursunu davam etdirərək, həm də kosmos dövləti ola bilər, “Eurovision” mahnı müsabiqəsi keçirə bilər, müxtəlif mədəniyyət, incəsənət tədbirləri keçirə bilər. Nəhayət, ilk Avropa Oyunlarının Azərbaycanda keçirilməsi bir daha onu sübut edir ki, Azərbaycan xalqı özünə inanır, Azərbaycan dövləti Prezidentimizin rəhbərliyi ilə özünə güvənir və bu tədbirləri yüksək səviyyədə həyata keçirir. Hesab edirəm ki, əsas dividendimiz ondan ibarət olacaq ki, bu, xalqımızla dövlətimizin, Prezidentimizin arasında olan sıx bağlılığın bir daha bariz nümunəsini göstərəcək və həm də onu göstərəcək ki, nə qədər qarayaxmalar olsa belə, Azərbaycan xalqı, dövləti öz yolu ilə - müstəqil inkişaf yoluyla gedir və bu yolda da heç kim bizə mane ola bilməz”, - deyə Z.Əsgərov vurğulayıb.

Paylaş:

Baxılıb: 596 dəfə