Bəhruz Quliyev: Azərbaycan dünyada öz sözünü deyən liderlər sırasına daxil olur

Bakı:

24 °C

52 %

6 m/s

Əlaqə

AZ RU EN

Ana səhifə / Siyasət / Bəhruz Quliyev: Azərbaycan dünyada öz sözünü deyən liderlər sırasına daxil olur

Bəhruz Quliyev: Azərbaycan dünyada öz sözünü deyən liderlər sırasına daxil olur

03.06.2016 [10:05]

“ABŞ-ın Azərbaycana münasibətinin dəyişməsi heç də təsadüfi sayılmalı deyil. İlk növbədə, bu, bir fövqəldövlət başçısının Azərbaycan haqqında fikirləridir. Bu həm də onun göstəricisidir ki, Azərbaycanın son 20 il ərzində apardığı iqtisadi-siyasi islahatlar dəstəklənir”. Bunu Trend-ə siyasi ekspert, fəlsəfə üzrə fəlsəfə doktoru Bəhruz Quliyev Bakıda 23-cü Beynəlxalq Xəzər Neft və Qaz Sərgisinin açılışı münasibətilə ABŞ Prezidenti Barak Obamanın Azərbaycan rəhbərliyinə və sərgi iştirakçılarına ünvanlandığı məktubda dəstəkverici ifadələrə, ölkəmizin enerji lideri kimi qiymətləndirilməsinə münasibət billdirərkən deyib.
B.Quliyevin fikrincə, bəzi məqamlarda ABŞ-Azərbaycan münasibətləri müəyyən mənada zəifləsə də, bu tendensiya aradan qaldırılır və ümumi strateji hədəf ölkəmizin beynəlxalq aləmdəki mövqeyini qazanması, möhkəmləndirməsidir: “Fakt budur ki, Barak Obamanın Azərbaycanı dünyanın enerji lideri adlandırması belə qənaətə gəlməyə zəmin yaradır ki, belə bir dövrdə, yəni neftin dünya bazarındakı qiymətinin ucuzlaşması, iqtisadi böhrana səbəb olan digər səbəblərə baxmayaraq, Azərbaycan öz iqtisadi gücünü, potensialını nümayiş etdirməkdədir. Ümumiyyətlə, dünya iqtisadiyyatına kimin, hansı ölkənin daha böyük töhfə verdiyi göz önündədir. Ona görə də ABŞ kimi dövlətin prezidentinin fikirləri bir daha onu göstərir ki, Azərbaycan Avropa və dünya bazarına enerji dəstəyini vermiş bir dövlətdir”.
Onun sözlərinə görə, burada müxtəlif nəhəng layihələri göstərmək olar. B.Quliyev vurğulayıb ki, Azərbaycanın yerləşdiyi bölgə və bu bölgənin təhlükəsizliyi amili də sözügedən maraq dairəsindədir. Ekspert bildirib ki, növbəti məqam Azərbaycanın təhlükəsizliyinin təminatıdır. Onun fikrincə, əgər nəzərə alsaq ki, enerji layihələri çəşrivəsində dünyanın əsas diqqəti və marağı məhz Azərbaycanla bir yerdə olmaqdırsa, demək, ölkəmizin təhlükəsizliyində də həmin maraqlar birləşir.
B.Quliyev ABŞ-Azərbaycan yaxınlaşmasına fərqli mövqe bildirən bir sıra siyasi şərhçilərin fiikirləri ilə razı olmadığını da deyib: “Diqqqətinizi ona da yönəltmək istərdim ki, məhz həmin məktubdan sonra bəzi siyasi şərhçilər bunu Azərbaycanın ABŞ-a meyillənməsi kimi qiymətləndirirlər. Amma şəxsən mən belə düşünmürəm və bu fikirlərlə müəyyən mənada razı deyiləm. Hətta deyərdim ki, belə fikirlər əsaslı deyil. Məsələn, Azərbaycan-Rusiya münasibətlərinə nəzər salsaq görərik ki, məhz balanslaşdırılmış siyasət nəticəsində ölkəmiz şimal qonşusu ilə uğurlu strateji əməkdaşlıq edir. Bu bir reallıqdır ki, Azərbaycan Rusiya ilə tarixən qonşu olub və bu qonşuluq siyasəti əsrlərdir ki, davam edir, regionumuz eynidir. Ancaq son olaraq mən Prezidentimizin fikirlərini də xatırlatmaq istərdim ki, Azərbaycan müstəqil dövlət olduğu kimi, həm də müstəqil siyasət yürüdür. Ona görə də istər enerji, istərsə də digər önəmli layihələrdə müstəqil tərəfdaş kimi çıxış edir. Buna görə də hesab edirəm ki, Azərbaycanın tutduğu mövqe yalnız ABŞ tərəfindən təqdir olunmur, eyni zamanda Rusiya, Türkiyə, Fransa, Almaniya, eləcə də digər superdövlətlərin mövqeyində biz bunun şahidi olduq. Bu gün dünyanı idarə edən dövlətlərin fikirləri budur ki, Azərbaycan doğru yoldadır və düzgün siyasət yürüdərək dünyada öz sözünü deyən liderlər sırasına daxil olur”.

Paylaş:

Baxılıb: 592 dəfə