Heydər Əliyev
yeni azerbaycan logo

Ana səhifə / Siyasət / YAP Qaradağ rayon təşkilatı bələdiyyə seçkilərinə hazırdır

YAP Qaradağ rayon təşkilatı bələdiyyə seçkilərinə hazırdır

20.10.2009 [02:38]

“Budəfəki bələdiyyə seçkilərindən sonra bu strukturun daha fəal və səmərəli fəaliyyət göstərməsi gözlənilir”. Bunu Yeni Azərbaycan Partiyası (YAP) Siyasi Şurasının üzvü, partiyanın Qaradağ rayon təşkilatının sədri Aydın Hüseynov söyləyib. Onun sözlərinə görə, YAP Qaradağ rayon təşkilatı bələdiyyə seçkilərinə 115 namizədlə gedir: “Rayon təşkilatı olaraq biz Sahil qəsəbəsində 15, Lökbatanda 15, Qobustanda 13, Müşfiqdə 11, Ələtdə 13, Qızıldaşda 9, Sənqəçalda 9, çeyildağda 7, ümiddə 7, Korgözdə 9 və Putada 7 nəfərin, ümumilikdə isə 115 nəfərin namizədliyini irəli sürmüşük”.
Aydın Hüseynov deyib ki, bələdiyyələrin əsas vəzifəsi vətəndaşlara xidmət etməkdir və bu səbəbdən də sosial problemlərin həllində bələdiyyələrin üzərinə böyük məsuliyyət düşür: “Bildiyiniz kimi, Milli Məclisdə bələdiyyələrin sayı birləşdirilmələrinin hesabına azaldıldı. Bu, əlbəttə ki, idarəetmənin təkmilləşdirilməsi və faydalı işin həyata keçirilməsinə xidmət edir. Düşünürəm ki, budəfəki bələdiyyə seçkiləri bu gənc strukturun fəaliyyətinə yeniliklər gətirməlidir. çünki artıq bələdiyyələrlə bağlı hüquqi baza möhkəmləndirilib, onların müxtəlif layihələr həyata keçirməsi üçün geniş imkanlar yaradılıb. Bununla yanaşı, bələdiyyələrin əsas vəzifəsi vətəndaşlara xidmət etməkdir və bu səbəbdən də sosial problemlərin həllində bələdiyyələrin üzərinə böyük məsuliyyət düşür”.
YAP Qaradağ rayon təşkilatının Gənclər Birliyinin sədri Əlzamin Məmmədov isə qeyd edib ki, ötən seçkilərdə olduğu kimi, budəfəki siyasi kampaniya zamanı da gənclər yüksək fəallıq nümayiş etdirəcək: “Gənclər cəmiyyətimizin ən aktiv üzvləridir. Bu baxımdan da, çalışacağıq ki, qarşımızda duran vəzifələrin öhdəsindən layiqincə gələk. Rayon gəncləri ötən prezident seçkilərində və referendumda yüksək fəallıq nümayiş etdirmişdi. Əminəm ki, bələdiyyə seçkilərində də cəmiyyətin ən aktiv təbəqəsi kimi gənclərimiz aktiv fəaliyyət göstərəcəklər”.
YAP Qaradağ rayon təşkilatının Qadınlar Şurasının sədri Təranə İsmayılova  söyləyib ki, bütün siyasi kampaniyalarda olduğu kimi, rayon təşkilatının Qadınlar Şurası bələdiyyə seçkilərində də yüksək aktivlik göstərəcək: “Əminəm ki, Qaradağ rayon qadınları qarşıdan gələn seçkilərə öz töhfəsini verəcək”.
Ramil VƏLİBƏYOV
Paylaş:
Baxılıb: 1059 dəfə

Xəbər lenti

Hamısına bax

Ədəbiyyat

Siyasət

Analitik

Sosial

Görünməz təhlükə!

29 Oktyabr 08:56

MEDİA

YAP xəbərləri

İqtisadiyyat

Siyasət

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31