Qaradağ rayonunda 2009-cu ilin yekunları və qarşıda duran vəzifələr müzakirə edilib

Bakı:

25 °C

62 %

5 m/s

Əlaqə

AZ RU EN

Ana səhifə / Siyasət / Qaradağ rayonunda 2009-cu ilin yekunları və qarşıda duran vəzifələr müzakirə edilib

Qaradağ rayonunda 2009-cu ilin yekunları və qarşıda duran vəzifələr müzakirə edilib

25.02.2010 [09:37]

Hüseyn İsrafilov: ötən il rayonun sosial-iqtisadi həyatında uğurlu il olub, tikinti-quruculuq işləri geniş vüsət alıb
Dünən Qaradağ rayonunda 2009-cu ilin yekunlarına və qarşıda duran vəzifələrə həsr olunmuş hesabat yığıncağı keçirilib. Tədbir iştirakçıları əvvəlcə Ulu öndər Heydər Əliyevin şəhərdəki abidəsi önünə əklil və gül dəstələri düzüb, xatirəsini ehtiramla yad ediblər. İştirakçılar rayonun Mədəniyyət Sarayının foyesində Qaradağda fəaliyyət göstərəq müəssisələrin və özəl qurumların istehsal etdiyi müxtəlif məhsullardan ibarət sərgiyə də baxış keçiriblər.
Daha sonra təşkil olunmuş yığıncaqda rayon İcra Hakimiyyətinin başçısı Hüseyn İsrafilov hesabat məruzəsilə çıxış edib. H.İsrafilovun sözlərinə görə, ötən il rayonun sosial-iqtisadi həyatında uğurlu il olub, tikinti-quruculuq işləri geniş vüsət alıb, infrastrukturun yaxşılaşdırılmasına, əhalini narahat edən problemlərin həllinə diqqət artırılıb. Vurğulayıb ki, Qaradağ rayonunda abadlıq-quruculuq işləri də geniş vüsət alıb, küçələr genişləndirilib, yeni elektrik və rabitə xətləri çəkilib, səkilər və hasarlar müasir üslubda yenidən qurulub: “Rayonda muzdla işləyənlərin əmək haqqı 2008-ci ilin müvafiq dövrü ilə müqayisədə 0,8 faiz artaraq, 465,5, sənaye sahələrində çalışan insanların əmək haqqı isə 6,7 faiz artaraq, 625,4 manat olmuşdur”.
çıxış edən YAP Qaradağ rayon təşkitalatının sədri Aydın Hüseynov ötən il dünyanı əhatə etmiş qlobal maliyyə və iqtisadi böhranın təsirlərinə baxmayaraq, Azərbaycanın dinamik inkişafını qoruyub saxladığını vurğulayıb: “Azərbaycanın inkişafının təzahürü Qaradağ rayonunun simasında da özünü göstərib. Rayonda ötən il ərzində görülmüş işlər, əldə olunmuş nailiyyətlər bunu deməyə əsas verir”.
Tədbirdə idarə və təşkilat rəhbərləri çıxış edərək təmsil etdikləri sahədə görülmüş işlər barədə məlumat veriblər. Məruzə və çıxışlarda problemlərdən də danışılıb, onların aradan qaldırılması yolları göstərilib, qarşıda duran vəzifələrdən bəhs olunub.
Yığıncaqda, həmçinin, cari ildə görüləcək işlər də müzakirə edilib.
Tədbirdə Prezident Administrasiyasının məsul əməkdaşı Tağı Tağıyev və Milli Məclisin deputatı Mixail Zabelin çıxış ediblər.
Tədbirin sonunda iştirakçılar adından Prezident İlham Əliyevə müraciət qəbul olunub.
Ramil VƏLİBƏYOV

Paylaş:

Baxılıb: 1270 dəfə