Heydər Əliyev
yeni azerbaycan logo

Ana səhifə / Sosial / Şabranlı fermerlərin yetişdirdiyi üzüm şərab istehsalı müəssisələrinə satılır

Şabranlı fermerlərin yetişdirdiyi üzüm şərab istehsalı müəssisələrinə satılır

21.08.2018 [09:09]

Şimal regionunda üzümçülüyün daha çox inkişaf etdiyi Şabran rayonunda təsərrüfatçılar məhsul yığımına başlayıblar.
AZƏRTAC-ın bölgə müxbiri xəbər verir ki, fermerlər texniki üzüm sortlarından olan məhsulu Siyəzən rayonunun Böyük Həmyə kəndində yerləşən üzüm emalı və şərab istehsalı müəssisəsinə təhvil verirlər. Süfrə üzümü isə Bakı şəhərindəki və respublikamızın digər bölgələrindəki satış mərkəzlərinə göndərirlər.
Təsərrüfatçılar bu il məhsuldarlığın yüksək olduğunu bildirirlər.
Rayonun Ağbaş kəndində fərdi sahibkara məxsus 140 hektara yaxın sahədə üzümün 10-dan çox sortu becərilir. İntensiv formada qulluq olunan üzümçülük təsərrüfatında şərabçılıq üçün vacib texniki üzüm sortlarına üstünlük verilib.
Aqronom Polad Quliyev deyir ki, ziyanvericilərə və xəstəliklərə qarşı vaxtında aparılan tədbirlər və aqrotexniki qulluq öz müsbət təsirini göstərib. Məhsuldarlıq yüksəkdir. Hər il üzümçülük təsərrüfatından min tona yaxın məhsul əldə olunur. Fermerlər məhsuldarlığın bu göstəricidən daha çox olacağını proqnozlaşdırırlar.
Şabranda daha çox ağ və qara şanı, “Ağadayı”, “Mədrəsə”, “Təbrizi” kimi yerli üzüm sortları becərilir. Son illər salınan yeni bağlarda isə “Merlot”, “Kabarne”, “Tramil” və başqa texniki üzüm sortları əkilib.
Rayonun Gəndov, Ağbaş və Dəvəçikənd inzibati ərazi dairəsinə daxil olan kəndlərində üzümçülük daha geniş yayılıb. Şabran ərazisində, ümumilikdə, 400 hektara yaxın üzüm bağı var. Ötən il bu bağlardan 3 min ton məhsul yığılıb.

Paylaş:
Baxılıb: 535 dəfə

Xəbər lenti

Hamısına bax

Mədəniyyət

Gündəm

MEDİA

Siyasət

İqtisadiyyat

Ədəbiyyat

Sosial

Ədəbiyyat

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31