YAP-ın ötən 20 il ərzində müstəqilliyimizin və dövlətçiliyimizin möhkəmlənməsində, inkişafında və yeniləşməsində müstəsna xidmətləri olub

Bakı:

22 °C

40 %

5 m/s

AZ RU EN

Ana səhifə / YAP xəbərləri / YAP-ın ötən 20 il ərzində müstəqilliyimizin və dövlətçiliyimizin möhkəmlənməsində, inkişafında və yeniləşməsində müstəsna xidmətləri olub

YAP-ın ötən 20 il ərzində müstəqilliyimizin və dövlətçiliyimizin möhkəmlənməsində, inkişafında və yeniləşməsində müstəsna xidmətləri olub

19.10.2012 [00:48]

Yeni Azərbaycan Partiyasının Nizami rayon təşkilatının Qadınlar Şurası partiyanın yaranmasının 20-ci ildönümü münasibətilə tədbir keçirib
Oktyabrın 15-də Yeni Azərbaycan Partiyasının Nizami rayon təşkilatının Qadınlar Şurası partiyanın yaranmasının 20-ci ildönümü münasibətilə tədbir keçirib. Tədbir iştirakçıları partiyanın yaradıcısı, Ulu öndər Heydər Əliyevin büstü önünə gül dəstələri qoyub, əbədi xatirəsini ehtiramla yad ediblər.
Sonra tədbir “İdeal” ərazi ilk partiya təşkilatında davam etdirilib. Çıxış edən YAP Nizami rayon təşkilatının sədri, millət vəkili Sədaqət Vəliyeva YAP-ın tarixinə nəzər salıb, əldə etdiyi uğurlardan söz açıb. Millət vəkili qeyd edib ki, YAP zamanın tələbi ilə Azərbaycan xalqının görkəmli oğlu Heydər Əliyevin rəhbərliyi altında yaradılıb: “Bir çox partiyalar mərkəzdə yaradıldığı halda YAP paytaxtdan uzaqda - 1992-ci ilin noyabr ayında Naxçıvan şəhərində yaradılmışdır. Müstəqilliyin ilk illərində hakimiyyətə yiyələnmiş təsadüfi adamlar Heydər Əliyevin siyasi nüfuzundan, xalqın bu böyük sərkərdəyə olan sonsuz inamından qorxurdular. Onlar bilirdilər ki, Heydər Əliyev Bakıya qayıtsa xalq ayağa qalxacaq və yarıtmaz hakimiyyəti yaratdığı anarxiyaya görə sel suyu kimi yuyub aparacaqdır. Ona görə də YAP-ın təsis qurultayının Bakıda keçirilməsinə imkan verilmədi. Lakin Azərbaycanın bütün ziyalıları, xalq kütlələri Naxçıvana, bu dahi şəxsiyyətin yanına axışaraq ölkənin xilası üçün Ondan imdad dilədilər.
YAP yarandıqdan qısa müddət sonra iqtidar partiyasına çevrilmişdir. Ulu öndər Heydər Əliyev 1993-cü ildə Azərbaycan Prezidenti seçilərək, dövlətçilik təcrübəsindən istifadə edərək, ölkədə ictimai-siyasi sabitliyi təmin etmiş, vətəndaş müharibəsinin qarşısını almışdır. Azərbaycanı yenidən quraraq Ümummilli lider səviyyəsinə yüksəlmişdir. Bu gün Azərbaycan Heydər Əliyevin siyasi kursunun davamı nəticəsində yüksək inkişaf mərhələsinə qədəm qoymuşdur”.
YAP Nizami rayon təşkilatının Qadınlar Şurasının və “İdeal” ərazi ilk partiya təşkilatının sədri Sevda Abdullayeva bildirilib ki, xalqımız Sovetlər İttifaqının süqutu ilə müşayiət olunan özünün azadlıq uğrunda mübarizəsində istək və arzusuna nail olub, milli azadlığını əldə edərək müstəqil dövlət yaradıb: “Ümummilli lider Heydər Əliyevin müdrikliyi, uzaqgörənliyi, zəngin dövlətçilik təcrübəsi nəticəsində Azərbaycan dövlətçiliyi məhvolma təhlükəsindən xilas olmuşdur. Ulu öndərin titanik fəaliyyəti nəticəsində ölkə daxilində ayrı-ayrı siyasi qüvvələrə tabe olan hərbi birləşmələr ləğv edilmiş, vətəndaş müharibəsi və separatçılığın qarşısı alınmışdır. Bu gün müstəqil Azərbaycan Respublikası, möhkəm özülə söykənən dövlətçiliyimiz Prezident İlham Əliyevin rəhbərliyi ilə uğurlu gələcəyə doğru addımlayır”.
Tədbirdə çıxış edən digər iştirakçılar diqqətə çatdırıblar ki, Ulu öndər Heydər Əliyevin dərin siyasi düşüncəsi və zamanın tələbi ilə yaranmış Yeni Azərbaycan Partiyasının ötən 20 il ərzində müstəqilliyimizin, dövlətçiliyimizin möhkəmlənməsində, Azərbaycan cəmiyyətinin inkişafında və yeniləşməsində müstəsna xidmətləri olub.
Sonra partiyaya qəbul edilmiş yeni üzvlərə vəsiqələr təqdim edilib və tədbir bədii hissə ilə davam etdirilib.
Ramil VƏLİBƏYOV

Paylaş:

Baxılıb: 1498 dəfə