Sədərək rayonunda “Zərifə xanım tibb elmimizin zirvəsində parlayan əbədiyyət Günəşidir” mövzusunda tədbir keçirilib

Bakı:

22 °C

35 %

2 m/s

AZ RU EN

Ana səhifə / YAP xəbərləri / Sədərək rayonunda “Zərifə xanım tibb elmimizin zirvəsində parlayan əbədiyyət Günəşidir” mövzusunda tədbir keçirilib

Sədərək rayonunda “Zərifə xanım tibb elmimizin zirvəsində parlayan əbədiyyət Günəşidir” mövzusunda tədbir keçirilib

28.04.2026 [12:05]

Sədərək kənd İcra Nümayəndəliyində Yeni Azərbaycan Partiyası Sədərək Rayon Təşkilatının təşkilatçılığı ilə görkəmli oftalmoloq alim, Əməkdar elm xadimi, akademik Zərifə Əliyevanın anadan olmasının 103-cü ildönümünə həsr olunmuş “Zərifə xanım tibb elmimizin zirvəsində parlayan əbədiyyət Günəşidir” mövzusunda tədbir keçirilib.

Tədbirdə rayonun idarə və təşkilatlarının, səhiyyə, təhsil və mədəniyyət müəssisələrinin rəhbərləri, Yeni Azərbaycan Partiyasının üzvləri, gənclər və digər qonaqlar iştirak ediblər.

Əvvəlcə Ümummilli Lider Heydər Əliyevin, akademik Zərifə Əliyevanın və Azərbaycan Respublikasının ərazi bütövlüyü uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Daha sonra Azərbaycan Respublikasının Dövlət Himni səsləndirilib.

Tədbiri giriş sözü ilə açan YAP Sədərək Rayon Təşkilatının sədri Arif Qasımov bildirib ki, bu gün Azərbaycanın görkəmli tibb elmləri doktoru, Azərbaycan Milli Elmlər Akademiyasının həqiqi üzvü, Əməkdar elm xadimi Zərifə Əziz qızı Əliyevanın anadan olmasının 103 illiyi böyük ehtiram hissi ilə qeyd olunur.

Qeyd olunub ki, Zərifə Əliyevanın adı Azərbaycanda daim böyük fəxrlə çəkilir. Onun timsalında ana adının ucalığı, sədaqətli ömür-gün yoldaşı və peşəsinə bağlı həkim nümunəsi əbədiləşib. Zərifə xanım Azərbaycan tibb elminin zirvəsində parlayan əbədi bir Günəşdir.

Bildirilib ki, Zərifə Əliyeva 1923-cü il aprelin 28-də Naxçıvanın Şahtaxtı kəndində görkəmli ictimai və dövlət xadimi Əziz Əliyevin ailəsində anadan olub. Ziyalı ailəsində böyüməsi onun formalaşmasında mühüm rol oynayıb. 1942-ci ildə Bakıda orta məktəbi əla qiymətlərlə bitirərək Azərbaycan Dövlət Tibb İnstitutuna daxil olub və tələbəlik illərindən yüksək biliyi, geniş dünyagörüşü ilə seçilib.

Vurğulanıb ki, Zərifə Əliyeva göz xəstəlikləri sahəsinə böyük maraq göstərmiş, 1947-ci ildə institutu fərqlənmə ilə bitirdikdən sonra Moskvada ixtisasını artırmış və yüksək ixtisaslı oftalmoloq kimi formalaşmışdır.

1949-cu ildən etibarən Elmi-Tədqiqat Göz Xəstəlikləri İnstitutunda çalışan Zərifə Əliyeva həm elmi, həm də pedaqoji fəaliyyətlə məşğul olmuş, 1959-cu ildə namizədlik, 1976-cı ildə isə doktorluq dissertasiyasını müdafiə etmişdir. O, oftalmologiya sahəsində mühüm elmi nailiyyətlər əldə etmiş, 1981-ci ildə SSRİ Tibb Elmləri Akademiyasının Akademik Averbax adına mükafatına layiq görülmüşdür. 1982-ci ildə akademiyanın həqiqi üzvü seçilmiş, bir sıra orden və medallarla təltif olunmuşdur.

Qeyd edilib ki, Zərifə Əliyeva 160-dan çox elmi əsərin, o cümlədən 23 kitabın müəllifi kimi Azərbaycan səhiyyəsinin inkişafına böyük töhfələr vermişdir. O, həm də ölkədə oftalmologiya məktəbinin formalaşmasında mühüm rol oynamış, çoxsaylı həkim və alimlər nəslinin yetişməsinə töhfə vermişdir.

Çıxışda Zərifə Əliyevanın traxoma xəstəliyinə qarşı apardığı mübarizə xüsusi vurğulanıb. Onun fədakar fəaliyyəti nəticəsində Azərbaycanda, o cümlədən Naxçıvan Muxtar Respublikasında bu xəstəlik demək olar ki, aradan qaldırılmışdır.

Bildirilib ki, Zərifə Əliyeva yalnız görkəmli alim deyil, həm də yüksək mənəvi keyfiyyətlərə malik şəxsiyyət, qayğıkeş ana və sadiq ömür-gün yoldaşı olmuşdur. O, Ümummilli Lider Heydər Əliyevin yaxın silahdaşı kimi də ölkənin ictimai həyatında mühüm rol oynamışdır.

Sonda qeyd olunub ki, Zərifə Əliyevanın zəngin və mənalı həyat yolu hər bir Azərbaycan vətəndaşı üçün örnəkdir və onun əziz xatirəsi daim xalqımızın qəlbində yaşayacaqdır.

Tədbirdə çıxış edən Sədərək Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Pərviz Ağayev də Zərifə Əliyevanın Azərbaycan tibb elminə, xüsusilə oftalmologiyanın inkişafına verdiyi töhfələrdən danışıb.

Digər çıxış edənlər — Naxçıvan Muxtar Respublikası Ali Məclisinin deputatları Zeynəb Quliyeva, Mahir İsmayılov və Sədərək Rayon Mərkəzi Xəstəxanasının baş həkimi Coşqun Babayev də görkəmli alimin həyat və fəaliyyətindən bəhs ediblər.

Paylaş:

Baxılıb: 257 dəfə