Əminə Əhmədova: Ordumuzun bu uğurları hər bir azərbaycanlı kimi, partiyamızın qadın üzvlərində də böyük ruh yüksəkliyi yaradıb

Bakı:

20 °C

60 %

5 m/s

AZ RU EN

Ana səhifə / YAP xəbərləri / Əminə Əhmədova: Ordumuzun bu uğurları hər bir azərbaycanlı kimi, partiyamızın qadın üzvlərində də böyük ruh yüksəkliyi yaradıb

Əminə Əhmədova: Ordumuzun bu uğurları hər bir azərbaycanlı kimi, partiyamızın qadın üzvlərində də böyük ruh yüksəkliyi yaradıb

09.10.2020 [09:05]

Hər zaman ölkəmiz üçün taleyüklü məsələlərdə ön sırada olan Yeni Azərbaycan Partiyası (YAP) bu günlərdə də öz aktivliyi ilə seçilir. Ordumuzun işğalçılara sarsıdıcı zərbələr vurduğu bu günlərdə partiyamız istər daxildə, istərsə də beynəlxalq aləmdə uğurlu fəaliyyəti ilə aparılan haqq mübarizəmizə dəstək olur. Bunu YAP Yevlax rayon təşkilatı Qadınlar Şurasının sədri Əminə Əhmədova deyib.

Onun sözlərinə görə, YAP-ın beynəlxalq siyasi partiya təşkilatlarına, dünya ölkələrinin hakim və eləcə də aparıcı siyasi partiyalarına növbəti müraciəti də deyilənləri təsdiqləyir: “Müraciətdə qeyd olunduğu kimi sentyabrın 27-də Ermənistan silahlı qüvvələrinin Azərbaycanın yaşayış məskənlərini və mülki obyektlərini iriçaplı silahlardan və ağır artilleriyadan atəşə tutması nəticəsində 30 il davam edən Dağlıq Qarabağ münaqişəsi zonasında hərbi qarşıdurma kəskin şəkildə gərginləşmişdir. Ermənistan tərəfi intensiv şəkildə dinc şəhərləri hədəfə aldığından mülki əhali arasında çoxlu ölən və yaralananlar var, mülki infrastruktur ciddi dağıntılara məruz qalıb”.

Əminə Əhmədovanın sözlərinə görə, bütövlükdə Avropa və Asiyanın 34 ölkəsindən 54 siyasi partiyaya, eləcə də bir sıra beynəlxalq təşkilatlara ünvanlanan müraciətdə daha sonra bildirilib ki, hazırda Azərbaycan Ordusu işğal olunmuş torpaqlarımızın azad olunması uğrunda döyüş əməliyyatlarını həyata keçirir: “Döyüşlərin dayandırılmasının və münaqişənin nizama salınmasının yeganə ədalətli şərti Ermənistan silahlı qüvvələrinin Azərbaycanın ərazisindən çıxarılmasıdır. Bu məqamda qeyd etmək istərdim ki, bütün sülhsevər Azərbaycan qadınları kimi, YAP Yevlax rayon təşkilatında təmsil olunan qadınlarımız da proseslərin gedişini diqqətlə izləyir, bu ağır və şərəfli günlərdə üzərilərinə düşən vəzifələrin öhdəsində layiqincə gəlmək üçün əzmlə çalışırlar”.

Ordumuzun düşmənə sarsıdıcı zərbə vurduğunu deyən Əminə Əhməddova bunun hər bir azərbaycanlıda böyük ruh yüksəkliyi yaratdığını bildirib: “Yeni Azərbaycan Partiyasının Sədri, Azərbaycan Respublikasının Prezidenti, Ali Baş Komandan cənab İlham Əliyevin rəhbərliyi ilə Azərbaycan Ordusunun apardığı əks-hücum əməliyyatları nəticəsində uzun illərdir, işğal altında olan bir sıra ərazilərimiz, o cümlədən Cəbrayıl şəhəri düşmən işğalından azad edilib, həmin ərazilərdə indi Azərbaycan bayrağı dalğalanır. Ordumuzun bu uğurları hər bir azərbaycanlı kimi, partiyamızın qadın üzvlərində də böyük ruh yüksəkliyi yaradıb”.

Paylaş:

Baxılıb: 678 dəfə