Hatəm Qocayev: Azad olunmuş ərazilərdə bərpa-quruculuq işləri sürətlə davam edir

Bakı:

22 °C

49 %

3 m/s

Əlaqə

AZ RU EN

Ana səhifə / YAP xəbərləri / Hatəm Qocayev: Azad olunmuş ərazilərdə bərpa-quruculuq işləri sürətlə davam edir

Hatəm Qocayev: Azad olunmuş ərazilərdə bərpa-quruculuq işləri sürətlə davam edir

04.06.2021 [09:21]

“44 günlük Vətən müharibəsində Müzəffər Ali Baş Komandan cənab İlham Əliyevin rəhbərliyi ilə rəşadətli Ordumuz torpaqlarımızı işğaldan azad etdi, düşmənin hərbi birləşmələri darmadağın olundu. Bunun nəticəsində işğalçı Ermənistan məğlubiyyətini etiraf edərək kapitulyasiya aktına imza atmaq məcburiyyətində qaldı”. Bunu Yeni Azərbaycan Partiyası (YAP) Naftalan şəhər təşkilatının sədri Hatəm Qocayev deyib.
Onun sözlərinə görə, Vətən müharibəsində qələbə qazanan Azərbaycan regionda yeni reallıq yaradıb. Hazırda bu reallığın şərtlərinə uyğun olaraq atılacaq addımlar müzakirə olunur: “Onu da deyim ki, bu addımlar region ölkələrinin hamsının mənafeyinə xidmət edir. Həmçinin işğalçı və revanşist təfəkkürdən əl çəkəcəyi təqdirdə Ermənistan da bu reallığın meydana çıxardığı imkanlardan yararlana bilər. Yəni əgər Ermənistan düşdüyü böhrandan, xaos və anarxiya girdabından xilas olmaq istəyirsə, regiona sabitlik və inkişaf vəd edən layihələrdə iştirak etməlidir”.
Hatəm Qocayev onu da bildirib ki, öz torpaqlarını işğaldan azad edən Azərbaycan hazırda həmin yerlərdə bərpa-quruculuq işlərinə starat verib: “Azad olunmuş ərazilərdə bərpa-quruculuq işləri sürətlə davam edir. Bu kontekstdə Ağdamda da mühüm addımlar atılır. Məlum olduğu kimi, Ağdam şəhərinin infrastrukturu tamamilə bərpa olunacaq. Mayın 28-də Azərbaycan Respublikasının Prezidenti İlham Əliyev Ağdam şəhər 1 saylı məktəbin yeni binasının təməlini qoyub. Dövlət başçısının səfəri zamanı, həmçinin gələcəkdə burada iş yerlərinin yaradılması üçün Ağdam Sənaye Parkının da təməli qoyulub. Bu parkın ərazisi təqribən 200 hektara yaxındır və orada yüzlərlə, gələcəkdə bəlkə də minlərlə insan işlə təmin ediləcək. Səfər zamanı, eyni zamanda, Bərdə-Ağdam avtomobil yolunun təməli qoyulub və artıq yaxın gələcəkdə yol istismara veriləcək. Ağdamda İşğal muzeyi və Zəfər muzeyi konsepsiyası da artıq hazırlanıb. Prezident İlham Əliyev mayın 28-də Ağdam şəhər meşə-parkında dağdağan ağaclarının əkilməsi mərasimində də iştirak edib. Burada ilkin olaraq şəhər sakinləri və qonaqları üçün 125 hektarlıq böyük meşə parkı salınacaq. Bərpa olunacaq Ağdam kanalı şəhərin içindən keçəcək və onun suyu burada yaradılacaq gölə töküləcək. Bütün Qarabağ zonası “yaşıl enerji” zonası olacaq. Bütün şəhərlər “Ağıllı şəhər” konsepsiyası əsasında qurulacaq”.

Paylaş:

Baxılıb: 655 dəfə