Azərbaycan İtaliya münasibətlərində möhkəm təməl üzərinə qurulub

Bakı:

19 °C

82 %

2 m/s

Əlaqə

AZ RU EN

Ana səhifə / YAP xəbərləri / Azərbaycan İtaliya münasibətlərində möhkəm təməl üzərinə qurulub

Azərbaycan İtaliya münasibətlərində möhkəm təməl üzərinə qurulub

08.09.2022 [10:59]

Azərbaycanla İtaliya arasında münasibətlər ənənəvi olaraq çox mühüm əhəmiyyət kəsb edən bir sıra elementlərə əsaslanır. Birincisi, digər ölkələrdən fərqli olaraq İtaliya və Azərbaycan münasibətləri post sovet dövründən sonrakı dövrlərdə deyil, orta əsrlərdədə mövcud idi. Hələ orta əsrlərdə Azərbaycan xanlıqlarının nümayəndələri artıq İtaliyanın Venesiya, Florensiya və digər şəhər dövlətləri ilə təmasda olmuşlar. Eyni zamanda, İtaliya şəhərlərinin nümayəndələri Azərbaycan hökmdarlarının saraylarında olublar.

Ölkələrimiz arasında müasir qarşılıqlı münasibətlər barədə onu da qeyd etmək olar ki, İtaliya Azərbaycanı müstəqil dövlət kimi qəbul edən ilk Avropa ölkələrindən biridir. İtaliya Bakıda öz səfriliyini açan ilk ölkələrdəndir. Siyasi münasibətlər hələ ümummilli lider Heydər Əliyevin 1997-ci ildə İtaliyaya səfəri zamanı əsasını qoyduğu möhkəm təməl üzərində qurulub. Hazırkı prezident cənab İlham Əliyev bu ölkəyə üçüncü dəfə səfər edib. Məlum olduğu kimi, hər səfər zamanı ən yüksək səviyyədə sənədlər qəbul edilib. Sənədlərdə müxtəlif sahələr üzrə əməkdaşlığımızın əsas istiqamətləri və onların gələcək inkişaf perspektivləri öz əksini tapıb. Cari ilin 2 sentyabr tarixindəki səfər zamanı cənab Prezident təhsil sahəsi üzrə mühüm bir tədbirdə iştirak etdi.

Yaxşı siyasi münasibətlərin nəticəsi olaraq iqtisadi sahədə çox möhkəm və sanballı nəticələrimiz var. Pandemiya və post pandemiya dövrü çətinliklər səbəbi ilə ticarət dövriyyəmiz artıq 4.5 mlrd. avroya təşkil etsə də, gələcəkdə pandemiyadan əvvəlki tempə qayıdacağımıza inanıram.

Münasibətlər inkişaf edir. Yeni əməkdaşlıq sahələri daim dövriyyəyə buraxılır. Humanitar, həmçinin mədəniyyət, təhsil və elm sahələrində möhkəm münasibətlərimiz var. 2018-ci ilin may ayında Bakıda keçirilmiş III Ümumdünya Mədəniyyətlərarası Dialoq Forumunda İtaliyadan təxminən 15 nümayəndə - həm alimlər, həm jurnalistlər, həm dinlərarası məsələlər üzrə mütəxəssislər iştirak ediblər. Düşünürəm ki, bu səbəbdən xoş məram, anlayış, qarşılıqlı hörmət və maraqlar nəzərə alınmaqla bu münasibətlər yüksələn xəttlə inkişaf edir.

Əməkdaşlığımız digər önəmli istiqaməti enerji sektorudur. Azərbaycan bir neçə komponentdən ibarət olan “Cənub Qaz Dəhlizi” layihəsinin təşəbbüskarı və fəal icraçısıdır. Aərbaycan Dövlət Neft Şirkətinin (SOCAR) simasında bu layihənin icrası üzrə işlərin bütün mərhələlərinə fəal şəkildə cəlb edilib. Bu gün Cənubi Qafqaz qaz kəməri vasitəsilə (TANAP) Azərbaycan qazı İtaliyaya çatır, bu isə Avropanın mərkəzi deməkdir.

Bir sözlə, bizim əlaqələrimiz möhkəm təməl üzərində qurulub.

Paylaş:

Baxılıb: 542 dəfə