Azərbaycan-Nikaraqua əlaqələri müzakirə edilib

Azərbaycan-Nikaraqua əlaqələri müzakirə edilib

İyulun 9-da Azərbaycanın xarici işlər naziri Elmar Məmmədyarov ölkəmizdə rəsmi səfərdə olan nikaraqualı həmkarı Samuel Santos Lopez ilə görüşüb.
AzərTAc xəbər verir ki, Elmar Məmmədyarov bu səfərin ölkələrimiz arasında əlaqələrin inkişafına töhfə verəcəyini qeyd edib, Azərbaycanın Latın Amerikası dövlətləri ilə əməkdaşlığa mühüm əhəmiyyət verdiyini bildirib.
Görüşdə ikitərəfli siyasi-iqtisadi əlaqələrin inkişafı, beynəlxalq təşkilatlar çərçivəsində əməkdaşlıq və xarici işlər nazirlikləri arasında mütəmadi əsasda məsləhətləşmələrin keçirilməsinə dair fikir mübadiləsi aparılıb.
Nazir Samuel Santos Lopez Azərbaycanı Nikaraquaya sərmayələr yatırmağa dəvət edib.