Azərbaycan İctimai Televiziya və Radio Yayımları Şirkətinin departament direktoru Səidə Musabəyli, şirkətin aparıcısı Saleh Bağırov, Türkiyənin TRT AVAZ telekanalının genel əlaqələndiricisi Adnan Süer və aparıcı Güneyt Cakova türkdilli ölkələrin ədəbi, mədəni əlaqələrinin inkişafında göstərdiyi xüsusi xidmətlərinə görə Bişkekdəki Türkdilli Dövlətlərin Siyasətinə Dəstək Fondunun fəxri fərmanları ilə təltif ediliblər. Fondun prezidenti Nüsrət Məmmədov bildirib ki, Azərbaycanın İctimai Televiziya kanalı ilə Türkiyənin TRT AVAZ telekanalı arasında əlaqələrin yaranmasında İTV və TRT rəhbərliyinin, təltif edilən şəxslərin əməyi danılmazdır. “Elə bilirəm ki, türkdilli ölkələr arasında bu sahədə əlaqələr daha da inkişaf etdiriləcək. Belə ki, mən “Yeni gün” telekörpüsündə ancaq Azərbaycan, Türkiyə və Qırğızıstanın deyil, Qazaxıstan, özbəkistan və Türkmənistan televizia kanallarını da görmək istəyirəm”.